बिज्ञापन

बिज्ञापन

अब प्रश्न उठ्छ,उस्तै प्रकृतिको मुद्दा खेपिरहेका एनआईएमबी र प्रभु बैंकका पदाधिकारीमाथि विभेद किन ? यसअघि प्रभु बैंकका उच्च अधिकारीहरूमाथि पनि फौजदारी मुद्दा लागेको थियो । तत्कालीन सीईओ अशोक शेरचन र डेपुटी सीईओ मनिराम पोखरेलसहित आठ जनाविरुद्ध बैंकिङ कसुरको मुद्दा दायर भएकोमा उनीहरूलाई तत्काल राष्ट्र बैंकले काम गर्न रोक लगाउने त्यही केन्द्रीय बैक हो । तर उस्तै प्रकृतिको मुद्दा खेपिरहेका एनआईएमबीका अध्यक्ष र सीईओको हकमा भने राष्ट्र बैंकको भूमिकालाई लिएर अहिले संशय पैदा भएको हो । प्रभु बैंक प्रकरणमा बैंकका उच्च अधिकारीविरुद्ध बैंकिङ कसुरको अनुसन्धान अघि बढेपछि तत्कालीन सीईओ अशोक शेरचनलाई सञ्चालक समितिले काममा फर्किन दिएको थिएन । राष्ट्र बैंकको कडाइपछि उनलाई जिम्मेवारीमा फर्कन नदिने अवस्था बनेको थियो । त्यसपछि प्रभु बैंकमा सुमन शर्मा सीईओ नियुक्त भएका छन् । तर,एनआईएमबीको हकमा भने अध्यक्ष, सीईओ तथा सञ्चालकहरू पदमै छन्। उनीहरूलाई जिम्मेवारीबाट अलग राख्ने विषयमा भने राष्ट्र बैंकले अहिलेसम्म कुनै निर्णय गरेको छैन।एकातिर मुद्दा दायर हुँदा बैंकको कुनै व्यक्ति स्वतः पदबाट हट्छ वा हट्दैन भन्ने मूल प्रश्न छँदै छ, अर्कोतर्फ त्यस्तो व्यक्ति बैंकको निर्णय प्रक्रियामा संलग्न हुँदा स्वार्थको द्वन्द्व वा संस्थागत सुशासनमा पर्ने प्रभावबारे पनि प्रश्न उठ्छ ।

उसो त त्यही केन्द्रीय बैंकले यस बाफिया ऐनको दफा १०२ मा टेकेर यस अघि नेपाल बंगलादेश बैंक, बैंक अफ काठमाडौँ र लुम्बिनी बैंकका पदाधिकारीहरुलाइै हटाएको थियो । केन्द्रीय बैंकले ३ असार २०८३ मा इजाजतप्राप्त बैंक तथा वित्तीय संस्थाका लागि ‘कर्मचारी सेवा विनियमावली’को संशोधित मस्यौदाको विनियम ८९ मा स्वतः निलम्बन हुनेसम्बन्धी व्यवस्था राखिएको छ,जहाँ ‘नैतिक पतन देखिने फौजदारी अभियोगमा थुनामा परेमा त्यसरी थुनमा रहेको अवधिभर तथा राज्यको कुनै निकायले कुनै कर्मचारीविरुद्ध प्रचलित कानुन बमोजिम फौजदारी अभियोगमा मुद्दा दायर गरेमा निज स्वतः निलम्बनमा परेको मानिने भनिएको छ ।

विनियमावलीमा मुद्दा खेपिरहेको कर्मचारीले सफाइ वा सजाय पाएपछि मात्रै निलम्बन समाप्त हुने उल्लेख गरिएको भए पनि आरोपित व्यक्ति निर्णायक भूमिकामा रहेर बैंकिङ निर्णयमा सहभागी हुँदा बैंकिङ प्रणालीको विश्वसनीयतामाथि प्रश्न उठ्ने सक्नेतर्फ समेत केन्द्रीय बैकले ध्यान नदिएको हो वा नेपाल इन्भेष्टमेन्ट मेगा बैंकका अध्यक्ष र सिइओको अगाडि किन गरुडको अगाडिको साँप भएको हो बुझ्न सकिएको छैन्